Чингэлтэй дүүргийн Цагдаагийн хоёрдугаар хэлтсийн хороо хариуцсан ахлах ахлагч Н.Наянбаатар 17 настай жирэмсэн эмэгтэйг цонхоор унахад нь дээл тосож, аварсан гэх мэдээлэл олон нийтийн сүлжээнд цацагдаад байгаа. Энэ талаар түүнээс тодруулахад “Энэ хэрэг өнгөрсөн 2019 онд болсон. Яагаад дахиад олон нийтийн сүлжээгээр цацаад байгааг нь ойлгохгүй байна. Үүнд тайлбар хийх гэсэн боловч завгүй байна. 2019 онд Баянгол дүүргийн арваннэгдүгээр хороонд байрлах  Эх хүүхдийн эрүүл мэндийн үндэсний төвийн төрөх тасгийн төрөхийн өмнөх ажиглалтын зургадугаар  давхрын цонхоор 17 настай жирэмсэн эмэгтэйг унах гэж байсныг харсан. Тэгээд  машиндаа байсан дээлээр уг эмэгтэйг тосч аваад Гэмтлийн эмнэлэгт хүргэж эх, хүүхдийн амийг аварсан нь үнэн” гэв.