Ж.Алдаржавхлан нь Хан-Уул дүүргийн Засаг даргаар 2016-2020 оны хооронд ажиллаж байсан. Энэ хугацаандаа тэрбээр тендер зарлахгүйгээр нэр бүхий хуулийн этгээдэд 2018 онд 104.7 сая төгрөгийн санхүүжилт олгосон байна.

 Мөн тус дүүргийн Засаг даргын орлогч 2020 оны тавдугаар сарын 7-нд А/209 тоот захирамж гаргаж, 142 иргэнд Хан-Уул дүүргийн 1, 3, 4, 8, 10, 12, 13, 14, 18, 21 дүгээр хорооны нутаг дэвсгэрт буюу Удирдлагын академи, Цэнгэлдэх хүрээлэн орчимд газар олгожээ. 

Хотын төвд буюу инженерийн шугам сүлжээтэй газар дүүргийн Засаг дарга захирамж гаргаж, гэр бүлийн хэрэгцээний зориулалтаар газар олгох эрхгүй. Гэтэл Хан-Уул дүүргийн Засаг дарга, түүний орлогч нь хууль зөрчиж Удирдлагын академи, Цэнгэлдэх хүрээлэн орчим зэрэг хотын инженерийн шугам сүлжээтэй газарт хууль бусаар газар олгосон байна. 

Иймээс Хан-Уул дүүргийн Засаг дарга Ж.Алдаржавхланг хууль зөрчин эрх мэдэл, албан тушаалын байдлаа урвуулан ашиглаж, ашиг сонирхол, авлигын шинжтэй үйлдэл хийсэн хэмээн үзэж АТГ-аас шалгаж байгаа аж.