Хөвсгөл аймгийн Мөрөн сумын нутаг дэвсгэрт 30 настай эрэгтэй хамтран амьдрагчаа хоёр хүүхдийнх нь дэргэд хөнөөсөн хүн амины ноцтой хэрэг гарчээ.

Тодруулбал, Хөвсгөл аймгийн Мөрөн суманд 30 настай эрэгтэй Б нь хамтран амьдрагч эмэгтэй Э болон Э-ийн найз 31 настай эмэгтэй Ц нарыг хөнөөсөн байна. Талийгаач Э нь 5-7 насны хоёр хүүхэдтэй бөгөөд хүүхдүүд хэргийн газар байсан аж. Цагдаагийн байгууллагын урьдчилсан шалгалтаар хардалтаас үүдэн дээрх хэргийг үйлдсэн байж болзошгүй гэж үзсэн байна.

Одоогийн байдлаар талийгаачийн хүүхдүүдийг хамгаалалтад авч, сэтгэл зүйтэй уулзуулаад байгаа бөгөөд Хөвсгөл аймгийн цагдаагийн газраас Б-г саатуулан мөрдөн шалгах ажиллагааг үргэлжлүүлж байгаа аж.

           Иймд гэр бүлийн хүчирхийлэлд өртсөн, эсхүл хүчирхийллийн болзошгүй эрсдэл учирч байсан бол энэ тухай гомдол, мэдээллийг биечлэн, эсхүл хууль ёсны төлөөлөгч болон бусдаар дамжуулан цагдаагийн байгууллагад цаг тухайд нь мэдэгдэж байхыг цагдаагийн байгууллагаас сэрэмжлүүлж байна