Өнгөрсөн оны арванхоёрдугаар сарын 25-нд  Сонгинохайрхан дүүргийн 32 дугаар хорооны авто зогсоолд өлгийтэй нярайг орхиж явсан талаар бид мэдээлсэн.

      Тухайн өдөр "Өлгийтэй хүүхэд уйлаад байна" гэх дуудлагын дагуу цагдаагийн алба хаагчид очиход хүрэн өнгийн өлгийтэй 60 см, 4.2 кг жинтэй нярайг эсэн мэнд аварч ЭХЭМҮТ-д хүргэсэн байдаг. Нярайн биеийн байдал сайн учир Хүүхдийн төв сувилалд шилжүүлж, Бямбын Зулсар хэмээх нэрлэсэн юм. Тэгвэл энэ талаар Цагдаагийн ерөнхий газрын хэвлэл мэдээлэл, олон нийттэй харилцах хэлстээс тодруулахад " Нярайн биеийн байдал сайн байгаа. Одоогоор хүүхдээ орхиж явсан эцэг эхийг олоогүй, эрэн сурвалжилж байна" гэлээ.