Баян-Өлгий аймагт энэ сарын 23-нд болсон хүчтэй цасан шуурганд аялалаар явж бйасан иргэд боогдсон байна. Тодруулбал, тус аймгийн Цэнгэл сумын Хар-Уул багийн “Алтай таван богд” уулын “Ерөнхийлөгчийн-Овоо” гэдэг газарт гурван автомашинтай 15 хүн аялж яваад цасан шуурганы улмаас зам харагдахгүй, уулнаас буух боломжгүй болж тус аймгийн Онцгой байдлын албанд дуудлага өгсөн байна.

Дуудлагын дагуу аймгийн Онцгой байдлын газрын Эрэн хайх, аврах бүлгийн алба хаагчид өнгөрсөн шөнө 01.10 цагт газар дээр нь очиж, авран хамгаалсан байна.