Цахим сүлжээнд гудамж талбай олон нийтийн газар ил задгай бие засаж буй иргэний зураг бүхий мэдээлэл нийтлэгдсэн билээ.

Уг иргэнд ямар хариуцлага хүлээлгэсэн талаар ЦЕГ-ын Хэвлэл мэдээллийн төвөөс мэдээлэл өглөө. “Цагдаагийн байгууллагаас шалгаж, тухайн иргэнд торгууль ногдууллаа.  Тодруулбал, 2021 оны зургадугаар сарын 27-ны 14:00 цагийн үед Баянгол дүүргийн дөрөвдүгээр хорооны нутаг дэвсгэрт 32 настай, эрэгтэй Ц гэгч нь бие зассан үйлдэл гаргасан нь нотлох баримтаар тогтоогдсон. Иймд Монгол Улсын Зөрчлийн тухай хуулийн 5.1 дүгээр зүйлийн 1 дэх хэсэгт зааснаар тус үйлдэлд нь 10 нэгжээр торгох шийтгэл ногдуулсан” гэлээ.

Иймд иргэн та бүхнийг олон нийтийн газар биеэ зөв зохистой авч явахыг уриалж байна.