Тээврийн цагдаагийн албанд өчигдөр буюу энэ сарын 24-нд бүртгэгдсэн хоногийн мэдээг тоймлон хүргэе.

Тээврийн цагдаагийн албаны жижүүрийн шуурхай удирдлагын төвд 2021 оны зургадугаар сарын 24-нд нийт 269 дуудлага мэдээлэл бүртгэгдсэнээс 184 нь зам тээврийн ослын шинжтэй дуудлага байна.

Бүртгэгдсэн зам тээврийн ослын улмаас нийслэлд таван хүн гэмтэж нэг хүний амь хохирсон, орон нутагт 10 хүн гэмтсэн байна. Хүүхэд өртсөн осол гэмтэл дөрөв бүртгэгдсэн байна. Тухайлбал:

Нийслэлд:

-2021 оны зургадугаар сарын 24-ний өдрийн 13:00 цагийн орчим Баянзүрх дүүрэг  Налайхын замд суудлын автомашин замын хашлага мөргөж зорчигч гурван настай хүүхэд гэмтсэн.

-2021 оны зургадугаар сарын 24-ний өдрийн 15:00 цагийн орчим Хан-Уул дүүрэг Наадамчдын гудамжны замд суудлын автомашины жолооч явган зорчигч долоон настай хүүхэд мөргөж гэмтээсэн.

-2021 оны зургадугаар сарын 24-ний өдрийн 20:00 цагийн орчим Баянгол дүүрэг Энхтайваны өргөн чөлөө суудлын автомашин унадаг дугуйтай мөргөлдөж дугуйтай явсан 19 настай эрэгтэй гэмтсэн.

Орон нутагт:

• 2021 оны зургадугаар сарын 24-ний өдрийн 06.00 цагийн орчим Баянхонгор аймаг Өлзийт сумын нутагт суудлын автомашин онхолдож зорчигч гэмтсэн.
• 2021 оны зургадугаар сарын 24-ний өдрийн 11:00 цагийн орчим Говь-Алтай аймаг Баян-Уул сумын нутагт  хоёр мотоцикл мөргөлдөж жолооч зорчигч хоёр хүн гэмтсэн.
• 2021 оны зургадугаар сарын 24-ний өдрийн 21:00 цагийн орчим Дархан-Уул аймаг Дархан сумын нутагт бага оврын жийп автомашин онхолдож зорчигч гэмтсэн.
• 2021 оны зургадугаар сарын 24-ний өдрийн 06.00 цагийн орчим Төв аймаг Лүн сумын нутагт  суудлын автомашин онхолдож зорчигч гурван 3 хүн гэмтсэн.
• 2021 оны зургадугаар сарын 24-ний өдрийн 23:00 цагийн орчим  Багануур дүүргийн нутагт суудлын автомашин онхолдож зорчигч нэг, гурван настай хоёр хүүхэд хүнд гэмтсэн.

Хүн гэмтсэн ослыг хэлбэрээр нь авч үзвэл:

Нийслэлд:

• Явган зорчигч автомашинд мөргүүлэх хэлбэрээр-2
• Зорчигч гэмтсэн-3

Орон нутагт:

• Зорчигч гэмтсэн-10
• Онхолдох хэлбэрээр-4

Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 41 зөрчил илрүүлсний нийслэлд 34, орон нутагт долоон зөрчлийг илрүүлж учирч болох эрсдэлээс урьдчилан сэргийлж ажилласан байна.

Цагдаагийн байгууллагаас орон нутгийн замд үйлдэгдэж байгаа хөдөлгөөний аюулгүй байдал, тээврийн хэрэгслийн ашиглалтын журмын эсрэг гэмт хэрэг, зөрчлөөс урьдчилан сэргийлэх хүүхдийг зам тээврийн осолд өртөхөөс  хамгаалах зорилгоор “Орон нутгийн зам-хөдөлгөөний соёл” нэгдсэн арга хэмжээг “Ирээдүйгээ хамгаалъя” уриатайгаар энэ оны 06 дугаар сарын 25-ний өдрөөс эхлэн улсын хэмжээнд зохион байгуулж байна.

Иймд иргэд жолооч та бүхэн МУ-ын ЗХД-ийн 23.8. “Суудлын автомашинд болон ачааны автомашины жолоочийн бүхээгт 10 хүртэлх насны хүүхдийг тээвэрлэхдээ биеийн жин, өсөлтөд нь тохирсон зориулалтын нэмэгдэл суудал буюу хамгаалах хэрэгсэл ашиглана” гэж заасан байдаг тул хүүхдийнхээ аюулгүй байдлыг ханган хамгаалах суудал, хамгаалах бүс ашиглаж хөдөлгөөнд оролцохыг цагдаагийн байгууллагаас анхааруулж байна.  

ТЭЭВРИЙН ЦАГДААГИЙН АЛБА