Тээврийн цагдаагийн албанд өчигдөр зам тээврийн ослын шинжтэй 189 дуудлага мэдээлэл бүртгэгджээ. Ослын улмаас Нийслэлд хоёр, орон нутгийн замд зургаан хүн гэмтсэн бол хоёр хүн амиа алдсан байна.  Тодруулбал, өчигдрийн 23:00 цагийн орчим Баян-Өлгий аймагт гарсны улмаас жолооч нь амиа алджээ. Мөн Төв аймгийн Алтанбулаг суманд мотоциклтой явсан жолоч онхолдож нас барсан байна.

Мөн согтуугаар тээврийн хэрэгсэл жолоодсон 80, тээврийн хэрэгсэл жолоодох эрхгүй үедээ хөдөлгөөнд оролцож явсан 47 зөрчлийг илрүүлэн учирч болох эрсдэлээс урьдчилан сэргийлж ажилласан байна.

Анхааруулга: Жолооч та бүхэн Согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, мотоциклтой хөдөлгөөнд оролцохдоо хамгаалах малгай хамгаалалтын хэрэгсэл тогтмол хэрэглэн хөдөлгөөний аюулгүй байдлын ханган замын хөдөлгөөнд оролцох, Хөдөө орон нутгийн замд зорчихдоо тээврийн хэрэгслийн хурдыг хэтрүүлэхгүй байж өөрийн болон бусдын аюулгүй байдлыг ханган  зорчихыг Тээврийн цагдаагийн албанаас анхааруулж байна.

                                                                                                                                                                                                                                                      Эх сурвалж: ТЭЭВРИЙН ЦАГДААГИЙН АЛБА