УИХ-ын гишүүн асан Н.Номтойбаярын шүүх хурлын тов гарчээ. Түүнд холбогдох эрүүгийн хэргийг Улсын Дээд шүүхийн Эрүүгийн хэргийн танхимын хяналтын шатны шүүх хуралдаанаар энэ сарын 8-нд буюу баасан гарагт хэлэлцэхээр товлосон байна. Гэхдээ түүний шүүх хурлыг нээлттэй хийх зүй ёсны шаардлага үүсээд байгаа юм. Учир нь, УИХ-ын гишүүн асан Н.Номтойбаярын хувьд яллах дүгнэлт гардаж аваагүй тул юунд буруутгагдаад байгаагаа мэдэхгүй. Мөн хорих хугацаанд тайлбар мэдүүлэг аваагүй гэх мэдээлэл байгаа юм. Иймээс хэргийг үнэн мөнөөр шийдэх, чухам ямар хэргээр түүнийг ялласан гэдгийг тодорхой мэдээлж, ил тод шүүх шаардлага үүсээд байна. Хэргийг хэрхэн шийдвэрлэхийг олон нийт чих тавин хүлээж буй.

           Эргэн сануулбал, УИХ-ын гишүүн асан Н.Номтойбаярт Чингэлтэй дүүргийн эрүүгийн хэргийн анхан шатны шүүхээс нийтийн албанд томилогдох эрхийг таван жилийн хугацаатай хасаж, таван жил таван сар хорих ял оноосон юм. Мөн үүнийг Давж заалдах шатны шүүхээс хэвээр үлдээсэн. Ингэхдээ ХНХ-ын сайд, Хөдөлмөр эрхлэлтийн үндэсний зөвлөлийн даргаар ажиллаж байхдаа эрх мэдлээ урвуулж, тогтоол гарган, орон нутаг, нийслэлийн онцлог, хэрэгцээнд нийцүүлсэн нэгж төслийн төсөв өртгийг 200 сая төгрөгт багтаан, нээлттэй зарлах удирдамж баталсан зэргээр гэм буруутайд тооцсон байдаг.

УИХ-ын гишүүн асан Н.Номтойбаярын хувьд яллах дүгнэлт гардаж аваагүй тул юунд буруутгагдаад байгаагаа мэдэхгүй. Мөн хорих хугацаанд тайлбар мэдүүлэг аваагүй гэх мэдээлэл байгаа юм