Улсын нэгдүгээр төв эмнэлгийн сувилагч, өнгөрсөн шөнө өндрөөс унаж, амиа алджээ. Тодруулбал, тус эмнэлгийн зүүн жигүүрт коронавирусийн халдвартай иргэдийг хүлээн авч, эмчилж байгаа аж. Энэ хэсэгт буюу халдварын улаан бүсэд ажиллаж байсан тус эмнэлгийн сувилагч өнгөрсөн шөнө цонхоор унаж, амиа алдсан харамсалтай хэрэг гарчээ. Талийгаач 14 хоногийн хугацаанд өвчтөнүүдтэй хамт тусгаарлагдаж, эмчилгээ үзүүлэх багт ажиллаж байжээ. 

Энэ талаар Улсын нэгдүгээр төв эмнэлгийн даргаас тодруулахад “Энэ хэргийн талаар мэдээлэл өгөх боломжгүй. Намайг хэргийн талаар мэдээлэл өгөхгүй байх чиглэлийг цагдаагийн байгууллагаас өгсөн” гэлээ. Эл хэргийг Сүхбаатар дүүргийн цагдаагийн газраас хэрэг бүртгэл нээн шалгаж байна. 

Бид энэ талаар үргэлжлүүлэн мэдээлэх болно.