"Жем молл” худалдааны төвд эхнэрээ олон удаа хутгалж, хөнөөсөн хэргийн шүүх хурал хавтас хэрэг дэх гэрчүүдийн мэдээллээр үргэлжилж байна. Энэ үеэр Шүүгдэгч Н.Энхбат “Би тэр өдөр эхнэрээ хөнөөх гэж дэлгүүр дээр очоогүй. Хүүхдүүдийнхээ талаар ярилцах гэж очсон. Би эхнэрээ яагаад тэгж хутгалснаа одоо ч санадаггүй. Тэр үед би архи согтууруулах ундааны зүйл хэрэглээгүй байсан. Харин хоёр, гурван өдөр нойр муутай байсан. Бас миний цүнхэнд талийгаачид амсуулах гээд авч явсан чихэр, боорцог байсан. Түүний жил орсон байсан учир лам дээр очсон байсан юм. Тэр хутга бол бидний ажил дээрээ хиам, талх зүсдэг хутга байсан” хэмээв.