Жолоодох эрхийн үнэмлэхгүй автомашин барьж, хоёр хүүхэд, долоон машин мөргөсөн ноцтой осол гарсан билээ. Одоогийн байдлаар долоон автомашины хохирлыг бүрэн барагдуулаад байгаа. Мөн автомашинд мөргүүлсэн 12 настай охин эмчлүүлж байгаад эмнэлгээс хэдхэн хоногийн өмнө гарсан байдаг.

Тэгвэл шүүхээс Ч.Маралмаад хилийн хориг тавьжээ. Тодруулбал, Баянзүрх дүүргийн Эрүүгийн хэргийн анхан шатны шүүхэд Тээврийн прокурорын газраас Эрүүгийн хуулийн тусгай ангийн 27.10 дугаар зүйлийн 2 дахь хэсгийн 2.2, 2.4 дэх заалтад тус тус заасан эрүүгийн хэрэгт  яллагдагчаар татагдсан Ч.Маралмаад Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээг авах талаар ирүүлжээ. УГ саналыг хянан хэлэлцээд Эрүүгийн хэрэг хянан шийдвэрлэх тухай хуулийн 14.5 дугаар зүйлийн 1, 2 дахь хэсэг, 14.13 дугаар зүйлийн 1, 8 дахь хэсэгт тус тус зааснаар яллагдагч Ч.Маралмаад Монгол Улсын хилээр гарахыг хориглох хязгаарлалт тогтоох таслан сэргийлэх арга хэмжээ авч шийдвэрлэсэн байна.