Өвөрхангай аймгийн Хархорин суманд байрлах ШШГЕГ-ын харьяа 423 дугаар хорих ангиас наймдугаар сарын 8-нд хоригдол А.Мөнхбат, Г.Сумъяабазар нар оргож, орон даяар эрэн сурвалжилж байна.

Хоригдлуудыг эрэн хайх ажиллагаанд Шүүхийн шийдвэр гүйцэтгэх газар, цагдаагийн албан хаагчдын бүрэлдэхүүн ажиллаж байна. Иргэдийн өгсөн мэдээллээр хоригдлууд Хужирт сумаас морь хулгайлж, Өвөрхангай аймгийн Соёмботой уулын ойролцоо явж байсан гэх. Мөн Тарагт сумын чиглэлд зугтаасан байж болзошгүй хэмээн үзэж байгаа юм.

Харамсалтай нь, хоригдлууд оргоод 14 хоног болж байгаа ч одоогийн байдлаар олоогүй, эрлийн ажиллагааг үргэлжлүүлсээр байна.