Хөвсгөл аймгийн Түнэл суманд хоёр хүний амийг хөнөөж, хэргийн газраас зугтсан хэрэг өнгөрсөн шөнө гарчээ. Хууль хяналтынхан хэргийн газар дээр ажиллаж, сэжигтнийг эрэн сурвалжилж байгаа гэнэ.

Зургадугаар багийн иргэн О нь архидан согтуурч иргэн Э,  Б нарын аминд хүрсэн.

             Энэ талаар тус сумын Засаг дарга Д.Цогбаяраас тодруулахад “Өнгөрсөн шөнө хоёр хүний амийг бүрэлгэчихээд зугтсан хэрэг манай сумын төвд гарсан. Тус хэрэг нь 00:30-02:00 цагийн хооронд болсон.  Тодруулбал, манай сумын зургадугаар багийн иргэн О архидан согтуурч иргэн Э, Б нарын аминд хүрсэн. Сэжигтэн О-ийн хувьд эзэмшсэн боловсрол, эрхэлсэн тодорхой ажилгүй, хөдөө мал малладаг залуу. 29 настай хохирогч Э нь сэжигтний найз байсан бол  хохирогч Б нь 40 гаруй насны хүн байсан” гэв.

Зарим эх сурвалжийн мэдээлж буйгаар "иргэн О нь согтууруулах ундаа хэрэглэсэн үедээ иргэн Э-ын амийг хөнөөж, зугтаж явахдаа хохирогч Б-ийн хаалгыг эвдэж амийг хохироосон байж болзогүй"  гэнэ. 

 Мөн Хөвсгөл аймаг дахь Цагдаагийн газар, Түнэл сумын  албан албан хаагчид хамтарсан 10 гаруй хүний бүрэлдэхүүнтэй баг дөрвөн тээврийн хэрэгсэлтэйгээр эрэн сурвалжиллах ажиллагаа явуулж байгаа аж.