“Нэг хаалга- Нэг шинжилгээ” нэгдсэн арга хэмжээг зохион байгуулж, шинэ голомтыг илрүүлэн тандалт, судалгаа хийсэн. Энэ арга хэмжээ өндөрлөсөн ч эрүүл мэндийн салбарын эмч, ажилтнууд коронавирус халдварын тандалтын үйл ажиллагааг цаашид нарийвчлан үргэлжлүүлж ажиллана гэдгийг Эрүүл мэндийн сайд С.Энхболд харьяа эмнэлгийн удирдлагуудтай цахимаар хуралдахдаа хэллээ. Монгол Улсад “Ковид-19”-ийн эсрэг вакцинжуулах ажил эхэлсэн.

Эхний ээлжид эрүүл мэндийн салбарын эмч, ажилтнууд вакцинд хамрагдана. Эмнэлгүүд вакцинд хамрагдах эмч, ажилтнуудад өрөө гаргаж, бэлтгэлээ бүрэн хангасан гэдгийг эмнэлгийн удирдлагууд хурлын үеэр хэлж байлаа.  Түүнчлэн цаашид коронавирусийн тандалт, судалгааны ажлыг үр дүнтэй хэрэгжүүлэхийн тулд ХӨСҮТ болон Нийслэлийн эрүүл мэндийн газар дүүргийн нэгдсэн эмнэлгүүдийн шинжилгээ авах лабораториуд нэгдсэн ажлын хэсэг гаргаж нарийвчлан зохион байгуулж ажиллах юм.

Эх сурвалж: ЭМЯ