Гэрэг сэтгүүл уншигчдийн гарт хүрээд 10 жилийн нүүр үзжээ. “The new York Times”-тай хамтын ажиллагааны хүрээнд хийж буй “Turning Points” сэтгүүлийн тав дахь дугаар шинэ оны босгон дээр уншигчдад хүрлээ.  Тэгш ойд зориулсан оны сүүлчийн дугаараараа Гэрэг сэтгүүлийн уран бүтээлчид уншигчдад юуг хүргэхийг зорив. Гял цал биш ч энгийн хэрнээ сонгодог өнгийн хавтас 2024 оны дэлхийн хийгээд Монголд өрнөсөн үйл явдлыг өөрсдийн өнгө аяс бүхий нийтлэл, мэдээлэл, гэрэл зургаар хүргэж, 2025 оны хийгээд ирээдүйн дэлхий нийтийн чиг хандлагыг харуулахыг зорьжээ.

Тэгвэл бид “Гэрэг” сэтгүүлээс онцлох таван бүтээлийг танилцуулж байна.

“ТӨГС ТӨӨРӨГДӨЛ”

        “Хөрөг”, “Зурвас” номын зохиогч, сэтгүүлч Б.Энхцэцэг 18 настай Т.Ариунаагаас МУГЖ Т.Ариунааг бүтээх хүртлэх амьдралын замналыг “Төгс төөрөгдөл” хөрөг нийтлэлээрээ хүргэжээ. 19 настай аав, ээжээсээ хором ч холдож үзээгүй охин ганц чемодантай хувцас аваад Европын орныг зорьж, өнөөдрийн Т.Ариунааг хэрхэн бүтээсэн бэ. Авъяас, хүндлэл, хайр, дурлал, алдар хүнд, зовлон, жаргалыг уудалсан “Төгс төөрөгдөл” нийтлэлийг онцолж байна.  

АЙМГИЙН АРСЛАН Г.МӨНХБАЯР: ӨӨРИЙНХӨӨ ЧАДЛААР ЦОЛОНД ХҮРСНЭЭ ХААНА Ч НҮҮР БАРДАМ ХЭЛНЭ

        Үндэсний бөхийн барилдаанд олныг шуугиулсан уран барилдаанаараа тодорч буй аймгийн арслан Г.Мөнхбаярыг “Гэрэг” сэтгүүл онцолжээ. Тэрбээр 17 настай сумын заан болж, 2024 онд Архангай аймгийн баяр наадамд түрүүлж, аймгийн арслан цол хүртсэн. Түүнчлэн Говьсүмбэр аймгийн баяр наадамд түрүүлж чимэг нэмсэн. Зайрмаг идэж, кола уусан бичлэг нь олон нийтийн сүлжээнд түгсэн нь бөх сонирхогчид төдийгүй монголчуудын хайр хүндлэлийг хүлээсэн талаараа ч хууч яриандаа онцолсон байна. Үндэсний бөхийг зодог, шуудагтайгаар харж, хүлээж авдаг ойлгодог хэвшмэл хэв маягийг эвдсэн гэрэл зургийг ч уг бүтээлээс онцлох нь зүйтэй болов уу.

БИ ТРАМП ШИГ ЭРЧҮҮДИЙГ СУДАЛСАН. ТЭДНИЙ ЯЛАЛТ ТОХИОЛДОЛ БИШ

        АНУ-ын Ерөнхийлөгч Барак Обамаг ажиллаж байх хугацаанд Үндэсний аюулгүй байдлын Дэд зөвлөхөөр ажиллаж байсан, “After the fall: The Rise of Authoririanism in the Word Made” номын зохиогч  Бэн Раудсын нийтлэл “Би Трап шиг эрчүүдийг судалсан. Тэдний ялалт тохиолдол биш” нийтлэлийг орчуулагч О.Амартүвшин орчуулан нийтэлжээ. Дэлхийд өрнөсөн оны онцлох улс төрийн гол сэдэв АНУ-ын сонгууль болон Дональд Трамп ялалт байгуулсан явдал байв. Уг нийтлэлд дан ганц Ерөнхийлөгч Трампын ялалт төдийгүй дэлхийн улс төрийн хандлага, тогтолцооны өөрчлөлтийг онцлон нийтэлжээ.

ХҮН ТӨРӨЛХТӨН БОЛОМЖ ӨГВӨЛ ХИЙМЭЛ ОЮУН ДЭЛХИЙН ЭДИЙН ЗАСАГТ ХУВЬСГАЛ ХИЙНЭ

Хиймэл оюун ухаан, хүн төрөлхтний хувьсал, технологийн дэвшлийн талаарх хэд хэдэн нийтлэл багтаасны нэг нь орчуулагч Н.Өнөржаргалийн “ХҮН ТӨРӨЛХТӨН БОЛОМЖ ӨГВӨЛ ХИЙМЭЛ ОЮУН ДЭЛХИЙН ЭДИЙН ЗАСАГТ ХУВЬСГАЛ ХИЙНЭ” нийтлэл байв.

            2025 оноос хойш хиймэл оюун ухаан буюу AI  бизнесийн салбар болон хөдөлмөрийн зах зээлд хэрхэн нөөлөөлөх бол.

УРЛАГИЙН ДУГААР БЭЭ НЭГ

          Хэрэв зээ бид “Бээ нэг” гэхээс B1 гээд гарчиглачихсан бол барилга, байшингийн хамгийн доод давхар гэдгийг төвөггүйхэн ойлгочихно гэх бодол сэтгүүлийн хуудсыг эргүүлж байхад бодогдов. Бидний анзаардаггүй B1 давхрыг гэрэл зургийн нүдээр хэрхэн уралсныг Гэрэг сэтгүүлийн гэрэл зургийн агшнаас харж болох нь.