Олон улсын валютын сангаас дэлхийн эдийн засгийн өсөлт, амьжиргааны түвшинтэй холбоотойгоор шинэ таамаг гаргажээ. Тухайлбал, тус сан нь энэ оны дэлхийн эдийн засгийн өсөлтийн төсөөллөө ахиулж, 3.2 хувь болгосон бол инфляцийн түвшинд 5.9 хувьтай байхаар тооцоолсон байна. Ингэхдээ АНУ болон дэлхийн зарим хөгжиж буй орны эдийн засаг сайжирч байгаа ч геополитикийн асуудал, инфляцийн нөхцөл байдал муудах эрсдэл тулгарч болзошгүйг онцолжээ.

Мөн 2024 онд дэлхийн дийлэнх орны инфляцийн түвшин хоёр хувиас дээш байх төлөвтэй байгаа бол хэрэглээний үнийн индекс энэ онд 5.9 хувь, ирэх 2025 онд 4.5 хувиар өсөх тооцоотой байна.