Олон улсад амьжиргааны өртөг өсөж, худалдаа авагчдын тоо буурснаар 2022 оны эцэст “Apple” компанийн борлуулалт огцом унажээ. Тодруулбал, “Apple” компанийн “iPhone” загварын гар утасны 2022 оны сүүлийн гурван сарын борлуулалт өнгөрсөн оны мөн үетэй харьцуулахад таван хувиар буурсан үзүүлэлттэй байсан бөгөөд энэ нь 2019 оноос хойших хамгийн их уналтын үе болоод байгааг тус компанийн мэргэжилтнүүд мэдэгдсэн байна.

                                                      “Apple” компанийн гүйцэтгэх захирал Тим Күүк “iPhone”-ий борлуулалт буурсныг цар тахалтай холбоотойгоор БНХАУ дахь гар утасны үйлдвэрлэл тасалдаж, ам.долларын ханш, үнийн өсөлт, ОХУ, Украины дайн, эдийн засгийн өсөлтийн удаашрал, бууралттай холбон тайлбарлажээ. Тэрбээр энэ тухай “Apple” компани урьд өмнө нь хэзээ ч тулгарч байгаагүй нөхцөл байдалтай туллаа” хэмээн хөрөнгө оруулагчидтайгаа хийсэн бага хурлын үеэр хэлсэн аж.

Мөн “iPhone”-ий борлуулалт таван хувиар буурснаас гадна тус компаниас гаргадаг “Mac” компьютерийн борлуулалт 29 хувиар унасан байна.