Үндэсний статистикийн хорооноос Монгол Улсын нийгэм, эдийн засгийн 2021 оны эхний хагас жилийн статистик үзүүлэлтийг танилцууллаа.

Эдийн засгийн статистикийн газрын Ахлах статистикч М.Оюунжаргал “Мөнгөний нийлүүлэлт 2021 оны зургадугаар сарын эцэст урьдчилсан гүйцэтгэлээр 28 их наяд төгрөг болж өмнөх оны мөн үеэс зургаан их наяд төгрөгөөр өссөн. Аж ахуйн нэгж байгууллага, иргэдэд олгосон нийт зээлийн үлдэгдэл 2021 оны зургадугаар сарын эцэст 19 их наяд төгрөг болж өмнөх оны мөн үеэс хоёр их наяд төгрөгөөр өссөн байна. Зээлийн өрийн нийт үлдэгдлийн 9.5 их наяд төгрөг иргэдэд хамааралтай.

Монголбанкнаас зарласан төгрөгийн ам.доллартай харьцах сарын удндаж ханш зургадугаар сарын байдлаар 2849 төгрөг болж өмнөх оны мөн үеэс 1.2 хувиар суларч, өмнөх сарын мөн үеэс 0.2 хувиар чангарчээ.

Төгрөгийн юаньтай харьцах сарын дундаж ханш 443 төгрөг болж өмнөх оны мөн үеэс 11 хувиар суларсан байна” гэв.