“Найман шарга” валют арилжааны төвд валютын ханш ямар байгаа талаар тодруулаа.

Валют арилжааны төвөөр үйлчлүүлэгчийн хөл хөдөлгөөн бага байлаа. Ялангуяа дотоодод анхны халдварын тохиолдол бүртгэгдснээс хойш үе үе хөл хорионд орж, валют солих хүний төө улам бүр цөөрсөн аж. Өнөөдрийн байдлаар тус төвд нэг ам.доллар худалдан авах ханш 2848-2849 төгрөг байна. Харин худалдах ханш 2852-2853 төгрөг байгаа аж. Ам.долларын ханш жил орчим хугацаанд тогтвортой байгаа гэнэ. 

      Мөн нэг евро худалдан авах ханш 3370-3380, зарах нь 3390-3395 төгрөг болж, гуравдугаар сараас хойш 200 төгрөгөөр ханш нь унасан аж. Энэ тухайд ББСБ-ын ажилчид “Ам.долларын ханш жил орчим тогтвортой байна. Нэмэгдэж, хасагдах нь нэг төгрөгөөс хэтрэхгүй. Харин евро, юань зэрэг гуравдагч валютын ханш унаж байгаа. Арваннэгдүгээр сараас хойш валют солих хүн багаслаа. Одоо бол хүнгүй байна” гэсэн юм.