“Эмээлт зах” болон орон нутагт ноолуур хэдэн  төгрөгөөр авч байгаа талаар ченжүүдээс  тодрууллаа.

Зүүн бүсийн аймагт ноолуур145-155 мянган төгрөг

Зүүн бүсийн нутагт ноолуурын үнэ ямар байгаа талаар ченжүүдээс тодруулахад “Ноолуурын үнэ 145-155 мянган төгрөгийн хооронд хар, улаан ямааны ноолуур гэж ялгалгүй ижил үнээр авч байгаа. Сүхбаатар, Дорнод, Хэнтий аймгийн ноолуурыг 155 мянган төгрөгөөр авч байна” гэлээ.

"Эмээлт зах" дээр ноолуур 130 мянган төгрөгний үнэтэй байна

 “Эмээлт зах” дээр ноолуур хэдэн төгрөгийн ханштай байгааг тодруулахад “ Одоогоор ноолуурын үнэ хараахан тогтоогүй байна. Зүүн бүсийн аймгийн ноолуур дуусахад баруун бүсийн аймгуудын ноолуурыг хэдээр авах нь тодорхой болно. Одоогоор 130 мянган төгрөгөөр ноолуур авч  байна” гэлээ.

Өнгөрсөн  онд ноолуурын  ханш 75-140 мянган төгрөгний  үнэтэй байжээ.  Сүхбаатар, Хэнтий аймагт 130 мянган төгрөгөөр, Төв аймагт 115 мянга,  "Эмээлт зах"-д 130 мянган төгрөгний ханштай байжээ.

О.Эрдэнэтунгалаг