Европын холбооны гурван орон цайрын үйлдвэрлэлээ 50 хүртэлх хувиар бууруулна гэж мэдэгдсэнээс хойш Лондонгийн металлын бирж дээр цайрын үнэ өнгөрсөн хагас жилийн хугацаанд идэвхтэй өссөн. Тэгвэл өчигдөр Шанхайн фьючерс дээр цайрын үнэ нэг тонн нь 24 мянган юань буюу 3721.68 ам.доллар болж өссөн нь 2007 оны арваннэгдүгээр сараас хойших хамгийн өндөр үнэдээ хүрсэн байна. Мөн өчигдрийн байдлаар Лондонгийн металлын биржид цайрын үнэ 3.3 хувиар өсөж, 3372.50 ам.доллар болж, 2018 оны гуравдугаар сараас хойших хамгийн өндөр үнэдээ хүрчээ.

Цар тахалтай холбоотойгоор өнгөрсөн жил Бээжинд суух эдийн засагчид Хятадын зах зээл дэх нэг тонн цайрын үнэ 2600 ам.доллар болно гэж таамаглаж байсан юм. Гэсэн ч цайрын үйлдвэрлэл, нийлүүлэлт дэлхийн хэмжээнд, ялангуяа БНХАУ-ын хэмжээнд багассан нь ийн үнэ нь өсөхөд нөлөөлсөн аж.

Эх сурвалж: Mining