УИХ-ын гишүүн М.Оюунчимэг эрх мэдэл, албан тушаалаа ашиглан өөрийн хүү Б.Энхмөрөнг ЭМДЕГ-ын  даргаар томилуулсан гэх мэдээлэл гараад удаагүй байгаа.

Тэгвэл ЭМДЕГ-ын Худалдан авалт, гэрээлэлтийн газрын даргыг аваад хоёр сар гаруй болж байгаа Б.Энхмөрөнг ажлаас нь чөлөөлөх шийдвэр гарчээ.

Энэ талаар ЭМДЕГ-ын хэвлэлийн төлөөлөгчөөс тодруулахалд “Б.Энхмөрөн даргыг ажлаас чөлөөлөхөөр болсон гэсэн. Гэхдээ одоогийн байдлаар албан ёсны шийдвэр гараагүй байна” гэлээ.

Эх сурвалжийн мэдээлж буйгаар түүнийг УИХ-ын гишүүний хүү гэдгээр нь бус ЭМДЕГ-ын Худалдан авалт, гэрээлэлтийн газрын даргын албан тушаал нь төрийн захиргааны албаны эрхэлсэн түшмэлийн ангилалд хамаарах бөгөөд хуульд зааснаар тус ангилалд хамаарах албан тушаалд томилогдохын тулд төрийн албанд 12-оос доошгүй жил, үүнээс ахлах түшмэлийн албан тушаалд дөрвөөс доошгүй жил ажилласан байх шаардлагыг хангаагүй хэмээн үзсэн гэнэ.