Б.МЭРГЭН: Л.Оюун-Эрдэнэ сайдаас огцрох, гишүүнээс татах үндэслэл бүрдчихлээ

Б. Бадралмаа:
Улс төр- Мэдээ мэдээлэл

2021-03-08, 872

Төр нийгмийн зүтгэлтэн С.Зориг агсны амийг хохироосон хэргээр ял эдэлж буй Т.Чимэгээтэй өнөөдөр Ерөнхий сайд Л.Оюун-эрдэнэ, Хууль зүй, дотоод хэргийн сайд Х.Нямбаатар нар уулзсан. Тэгвэл үүнтэй холбоотой хуульч, өмгөөлөгч Б.Мэргэн Ерөнхий сайд "Төрийн нууцыг задруулж хууль зөрчсөн" хэмээн байр сууриа илэрхийллээ.

Тэрбээр энэ талаар цахим хуудастаа "Т.Чимгээгийн судсаар мансууруулах бодис шахаж, бичлэг хийсэн гэсэн яриа нь 50 хүрэхгүй грам архинд нь мансууруулах бодис хийж уулган зураг авсан болоод өөрчлөгдчихлөө. Хэн нэгнээс хальт мулт буруу зөрүү хов жив сонсоод яаран ярьдгийн гай л даа.

Ц.Нямдорж Хууль зүйн сайд байхдаа энэ хэрэгтэй холбоотой төрийн нууцыг задалчихаад дараа нь Засгийн газрын хуралдаанаар оруулж ил болгосон нь саяхан. Өнөөдөр Ерөнхий сайд, Хууль зүйн сайд хоёр хэргийн талаар ярихгүй, Засгийн газрын хуралдаанаар оруулж ил болгуулна гэсэн мөртлөө л хэргийн талаар яриад байх юм. УИХ-ын гишүүн ч бай, сайд ч бай төрийн нууцтай дураараа танилцах эрхгүй. Гэтэл сайд нь аль хэдийн танилцчихсан, тэгээд маш нууц задлаад, фантазиа нэмж яриад суух юм. Хэвлэлийн өмнө баримттайгаар төрийн нууц задруулах гэмт хэргийн шинжтэй үйлдэл хийлээ. Тэгээд дараа нь Засгийн газрын хуралдаанаар оруулаад нууцаас гаргачихвал гэмт хэрэг биш болчих юм уу. Айлаас хулгай хийчихээд 7 хоногийн дараа авдар дээр нь буцаагаад тавьчихаар гэмт хэрэг биш болчихдоггүй дээ. Иргэд бол ялаа аваад л явна. Бүх амьтан тэгш эрхтэй. Гэхдээ “гахай” арай илүү эрхтэй ч бил үү.

Би шүүхэд нөлөөлөх гээгүй. Шүүхийн асуудал нь тусдаа гэж Ерөнхий сайд хэлсэн ч үг, үйлдлээрээ нөлөөлөөд л байна. Үндсэн хууль зөрчсөн шинжтэй. Сайдаас огцрох, гишүүнээс татах үндэслэл бүрдчихлээ.

Баасанцогт өмгөөлөгчийн схем гээд хэвлэлээр явж байгаа баримтыг өөрийнх нь компьютероос гаргаж ирсэн нотлох баримт гэж үзүүлснээ “Энэ схемээр эрүүдэн шүүсэн хэргийг удаашруулаад байна” гэх мэтээр шүүгдэгч нарт ашигтай байдал үүсгэсэн гэж яриад байх юм. Уучлаарай, наад схемд чинь харин ч хурдлуул, ял өг, ял өгөхийн тулд ингэ тэг гэсэн зүйл байгаа. Юм уншаад ойлгодоггүй юм уу хаашаа юм. Тэр том толгойны ихэнхийг нь ус дүүргэж, багахан зайд нь тархи оршдог бололтой.

Улсын дээд шүүхтэй хуйвалдаад хэргийг анхан руу буцаасан юм байх. Харин ч шийдээд өгөөч ээ гэж манайх гомдол гаргаад УДШ нь хэлэлцээгүй юм л даа. Хэргийг улс төржүүлээд байна хурдан шийдүүлье гээд дийлэхгүй бөөн хүчтэй тулаад байгаа хүмүүсийг тэр эсрэг хүчтэйгээ нийлчихсэн хуйвалдаад байгаа мэтээр л яриад байх бололтой" хэмээн нийтэлсэн байв.

Б.МЭРГЭН: Л.Оюун-Эрдэнэ сайдаас огцрох, гишүүнээс татах үндэслэл бүрдчихлээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 4

Сэтгэгдэл үлдээсэн: 2021-03-21 01:15:08

Зочин: Үхсэн хатсаны чинь төрийн нууц.Чи муу лалар Хурцын хошного долоогч.
Сэтгэгдэл үлдээсэн: 2021-03-08 16:21:35

Нэр: Баасанцогтын бие төлөөлөгч юм уу? Яасан сайн мэдэж байна аа. Энэ ер нь хэний спикер юм бэ?
Сэтгэгдэл үлдээсэн: 2021-03-08 16:20:07

Нэр: Ха ха. Улсын нууц чинь хөгийн юм байдым байна.
Сэтгэгдэл үлдээсэн: 2021-03-08 15:43:22

Зочин: Гүйцэтгэх засаглалын тэргүүн болон асуудал хариуцсан сайд нар эрх мэдлээ хэтрүүлэн урвужлан ашиглаж эхэллээ.