УОК-ын даргын 2021 оны гуравдугаар сарын 3-ны өдрийн 22 дугаар тушаалаар УОК-ын Шуурхай штабыг шинэчлэн байгуулсан. Уг шинэчлэн байгуулалтаар УОК-ын Шуурхай штабын дарга, хурандаа Б.Ууганбаярыг ажлаас нь чөлөөлж, хурандаа Ж.Чүлтэмсүрэнг томилсон байна.

        Улмаар УОК-ын Шуурхай штабын бүрэлдэхүүнд өөрчлөлт оруулж, 60 хүнтэй баг 30 орчим болсон байна. Тус штабын шинэ дарга, хурандаа Ж.Чүлтэмсүрэн өмнө нь нийслэлийн Онцгой байдлын газрын даргаар ажиллаж байжээ. Мөн коронавирусийн цар тахлаас урьдчилан сэргийлэх, тэмцэх хариу арга хэмжээг авч хэрэгжүүлэх чиглэлээр Засгийн газар, УОК-оос гарсан шийдвэрийн хэрэгжилтийг улсын хэмжээнд удирдан зохион байгуулах, хэрэгжилтийг хангуулах, хяналт тавих чиг үүрэг бүхий Шуурхай штабын ажиллах журмыг мөн баталсан аж.