Арчилсан намын Үндэсний бодлогын хорооны хуралдаан болж байна. Энэ үеэр Сангийн сайд асан С.Баярцогт байр сууриа илэрхийллээ. Тэрбээр "Намын дарга хэлэлцэх асуудлын чиглэлийг ҮБХ-ны тэргүүлэгчдэд хүргүүлсэн байгаа. Хэлэлцэнэ гэж найдаж байна. Хуралдааны явцад ҮБХ-ны гишүүд ч санал гаргах байх. Ер нь Улс төрийн намын тухай хуулиа дагаж, бүх нам оноос өмнө зохион байгуулалтаа шинэчлэх ёстой. Харин манай намын дарга өөрөө ажлаа өгье гэсэн. Улс төрийн зөвлөлийн хуралд шалтгаанаа танилцуулсан. Өнөөдрийн хурлаар уг асуудлыг шийдвэрлэж өгөөч ээ гэсэн. Хоёр тусдаа асуудал юм. Манай нам үндсэн хоёр том хэсэгт хуваагдсан байсан. Анх АН-ын байгуулсан таван намын фракц үндсэндээ байхгүй болсон. Одоогийн байлдаар манай нам дотор фракцын шинжтэй том зөрчил ерөөсөө байхгүй. Нэр дэвшиж байгаа хүмүүс л өөр өөрсдийн байр суурийг илэрхийлж байгаа хэрэг.

    Хувь хүнд, үйл явдалд зориулж намын дүрэм, журмыг өөрчилж болохгүй. Алив зүйл мерит зарчимд суурилах ёстой. Дөнгөж намын гишүүн, ҮБХ-ны гишүүн болчихоод дарга болно гээд байж болохгүй. Нүүдэлчний сэтгэлгээгээр тухай тухайн тохиолдолд асуудлыг шийдээд байхаар нам институт болж төлөвшихгүй байна. Би намын даргад нэр дэвшихгүй" гэлээ.