МАН-ын бага хурал өнөөдөр болно. Цаг үеийн асуудлаар УИХ-ын гишүүн Х.Булгантуяа мэдээлэл өглөө. Тэрбээр “Улсын хэмжээнд 2200 эмэгтэй төлөөлөгч байдаг. Тэр дундаа сум, орон нутгаас эмэгтэй гишүүд түгээмэл гардаг. Эрүүл мэнд, боловсрол, хүүхэд, гэр бүлийн асуудалд эмэгтэйчүүд ажилладаг. Энэ удаад 32 эмэгтэй гишүүнтэй болсон. Парламентийн түүхэнд түүхэн дээд амжилт болсон. Эмэгтэйчүүд орон нутагт илүүтэй хүлээн зөвшөөрөгддөг нь харагддаг. 2200 гаруй эмэгтэйн 900 гаруй нь Ардын намаас бусад нь Ардчилсан нам бол бие даасан жижиг намуудаас бүрдсэн байна. Эмэгтэйчүүд амаргүй давааг давж сонгогдож байгаа учраас хамтран ажиллахад таатай байна. Бид эмэгтэйчүүдийг бодлогын түвшинд дэмжих ёстой. 2200 эмэгтэйн төлөөлөл болж 800 эмэгтэй ирсэн байна. Эмэгтэйчүүдийн хувьд соёл, орон нутгийн онцлогоос болж сонгогдож гарахад төвөгтэй асуудал байгаа. Ард түмний хувьд хэн нь засаглаж байна гэхээс илүүтэй үр дүн чухал байдаг. Хувь хүний амьдралд өөрчлөлт гарч байна уу гэдэг чухал” гэлээ.