З.ЭНХБОЛД: Өвөрхангай аймагт долоо хонож байгаа хүн яаж алх бариад бродюр хагалах вэ дээ

2024-09-11, 578

Нийслэлийн Засаг дарга бөгөөд Улаанбаатар хотын Захирагч Х.Нямбаатар “З.Энхболд алх бариад броюдр хагалсан” гэх мэдээллийг цахим орчинд хийсэн. Тус мэдээллийг үгүйсгэн З.Энхболд дараах тайлбарыг хийлээ.

Тэрбээр “Урд шөнө Улаанбаатар хотын Засаг дарга Х.Нямбаатар гэдэг нөхөр намайг гүтгэжээ. Би Өвөрхангай аймгийн Баруунбаян-Улаан суманд мод тариад долоо хонож байна. Нарийнтээл, Уянга сумаар ороод харих гэж байна. Өвөрхангай аймагт долоо хонож байгаа хүн яаж алх бариад бродюр хагалах вэ дээ. Тийм мангар бодол Х.Нямбаатарын толгойд л орох байх. Өөр хүний толгойд яаж орох билээ. 20 мянган төгрөгийн үнэтэй бродюрыг 132 мянган төгрөгөөр авч ирсэндээ хариулт өгөхийн оронд алх бариад хагалсан тухай яриад байдаг нь ямар ч ойлгомжгүй байна. УИХ-ын гишүүн байсан хүн доошоо орж гүтгэлэг хийхээ боль. Би Өвөрхангайд долоо хоног мод тарьж, буяны ажил хийгээд явж байна. Улаанбаатарын сонгуулиа Улаанбаатартаа л хий. Орон нутагт яваа надад ямар хамаа байна вэ. З.Энхболд броюдр хагалсан учраас замын ажлаа зогсоолоо гэх юм байна л даа, энэ Х.Нямбаатар” гэлээ.

З.ЭНХБОЛД: Өвөрхангай аймагт долоо хонож байгаа хүн яаж алх бариад бродюр хагалах вэ дээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.eccold.top хариуцлага хүлээхгүй.

Нийт сэтгэгдэл: 3

Сэтгэгдэл үлдээсэн: 2024-09-13 14:25:31

Зочин: Бүх сайтууд “бродюр” гэж буруу бичээд байх юм, уг нь “bordure” гэсэн франц үгнээс гаралтай юм билээ. Ядаж зөв бичиж баймаар юм! Нямбаатараасаа авахуулаад буруу ярьж, буруу бичнэ. Мэдээний редактор гэж баймаар юм!
Сэтгэгдэл үлдээсэн: 2024-09-11 13:08:42

зочин: хойт зуслан руу явах замд бродюр маш сайхан тавьж машинууд дэгэндээ орж гацаагүй болсон байна лээ. тийм бродюр олон хэрэгтэй байна. бас гэрлийн дохио маш их хэрэгтэй байна.
Сэтгэгдэл үлдээсэн: 2024-09-11 11:52:34

зочин: Янзлах гээд буулгад тавьсан баглаатай бродюр нь хагархай сэлтэрсэн байсан хажуугаар нь гарч явахдаа энэ одоо дараа жил бараг бутрах юм байна даа юун 20 жил гэж бодсон. Худлаа гэвэл гараад хараарай хаа сайгүй буулгасан байгаа.