Монгол Улсын Засгийн газрын ээлжит хуралдаан өнөөдөр боллоо. Засгийн газрын ээлжит хуралдаанаас гарсан шийдвэрийг талаар Сангийн сайд Б.Жавхлан мэдээлэв.

                      Тэрбээр “Жил гаруйн өмнө дампуурах уу, үгүй юү дээрээ тулаад байсан Хөгжлийн банкны талаар Засгийн газрын хуралдаанаар ярьсан. Жилийн өмнө олон улсын байгууллагууд Хөгжлийн банкыг татан буулгах шаардлага тавьж байсан. Харин жилийн хугацаанд Хөгжлийн банк эргэн сэргэж, Самурай бондоос шалтгаалсан эрсдэл ч бүрэн арилсан. Одоо ирэх намар эргэн төлөлтийг нь хийх ёстой Евро бондын 400 сая гаруй ам.долларын том даваа үлдээд байна” гэв.