“Хөгжлийн банкны нээлттэй сонсгол” шууд үргэлжилж байна. Тус сонсголд УИХ-ын Хянан шалгах Түр хорооны гишүүд оролцож байгаа билээ. Энэ үеэр Хөгжлийн банкны ТУЗ-ын дарга Б.Шинэбаатар “Бэрэн группэд олгосон зээлийн асуудлыг Төлөөлөн удирдах зөвлөлийн хурлаар хэлэлцэж байсан. Зээлийн хороо нь хуулийн хэлтсийн дүгнэлтээр боломжтой гэх саналаар орж ирсэн учир тус группэд зээл олгосон. Би Хөгжлийн банкны хэрэгт яллагдагчаар татагдсан. Нийслэлийн прокуророос тогтоолоо авахад хэрэг маргаантай холбоотойгоор ямар нэгэн байдлаар тус хэргийн талаар олон нийтэд танилцуулж болохгүй гэсэн. Эрүүгийн хуулийн 21.9-т заасны дагуу Мөрдөн шалгах ажиллагааг задруулахгүй гэсэн баталгаа гаргасан учир үйл ажиллагааны талаар дэлгэрэнгүй мэдээлэл өгөх боломжгүй байна” гэлээ.