Ардчилсан намын бүлгээс мэдээлэл хийлээ. Энэ үеэр УИХ-ын гишүүн С.Одонтуяа дараах байр суурийг илэрхийллээ. 

Тэрбээр "Сүүлийн хоёр парламентад МАН эрх барьж байгаа. Тиймээс энэ бүх хариуцлагыг МАН дангаараа хүлээх ёстой. Энэ хариуцлагаас бултах гэж ямар нэгэн арга сүвэгчилж байгаа бол бид хүлээж авахгүй. Нүүрсний хулгайн хэрэгт янз бүрийн хүн холбогдож болзошгүй. Тэр асуудалд бид янз бүрийн асуудал гаргахгүй. Гол нь шүүхийн байгууллага эцэслээд зөв тогтоох ёстой. Аль нэг нам руу нялзаах гэсэн мэдэгдлүүд их явж байгаад харамсалтай байна. Гадаа цугласан иргэдийн 15 хувь нь нүүрсний хулгайн асуудлаар, бусад 85 хувь нь амьдрал хэцүү байна гэж бухимдаж байна МАН өөрсдөө шүгэл үлээгээд шударга юм шиг харагдаж байна. Тийм биш. Анх олон улсын байгууллага нүүрсний хулгай чинь том хэмжээнд хүрлээ гэдгийг гаргасан шүү. Бид иргэдтэйгээ хамтарч, 1072 хувьцааны ногдол ашгийг өгөөч гэж шаардах ёстой. Учир нь үнэхээр ийм ашигтай байгаад, олон их наяд төгрөг эргэлдэж байгаа бол яагаад ард түмэнд ашгийг нь өгөхгүй байгаа вэ. Тиймээс үүнийг шаардах ёстой" гэлээ.