Нэр бүхий УИХ-ын хоёр гишүүнийг эгүүлэн татах асуудал өнгөрсөн долоо хоногоос яригдаж эхэлсэн. Тухайлбал, УИХ-ын гишүүн Г.Амартүвшингийн нэр яригдаж эхлээд байгаа юм. Их хурлын сонгуулийн өмнө түүнийг хоёр улсын иргэншилтэй гэгдэх яриа, мэдээлэл олон нийтэд цацагдсан. Тэрбээр энэ мэдээллийг үгүйсгэсэн бөгөөд нэр татагдах асуудал байхгүй гэдгийг хэлж байсан. Тэгвэл УИХ дахь Ардчилсан намын бүлгийн мэдээллийн үеэр бүлгийн дарга Д.Ганбат "Нэр бүхий гишүүд эгүүлэн татагдах болзлоо хангаж байгаа юм билээ. Гэхдээ АН-ын гишүүд биш, МАН-ын гишүүд байх. Одоогоор энэ талаар бүлэг дээр яригдсан зүйл алга. Удахгүй яригдах байх" гэсэн тайлбарыг өгсөн юм. УИХ-д нэр бүхий хэд, хэдэн гишүүд хууль хүчний байгууллагад шалгагдаж байгаа гэх мэдээлэл бий.