Монгол Улсын Засгийн газрын ээлжит хуралдаан өнөөдөр боллоо. Ээлжит хуралдаанаас гарсан шийдвэрийг Сангийн сайд Б.Жавхлан танилцуулж байна.

Тэрбээр “Өчигдрийн байдлаар Хөгжлийн банкны чанаргүй зээлийн 165 тэрбум төгрөгийн өр төлөгдсөн байна. Хөгжлийн банкны асуудлыг өнөөдөр хөндөх болсонд шалтгаан бий.

2023 онд төлөгдөх ёстой хоёр томоохон бонд байгаа. Үүнд 2023 оны аравдугаар сарын 23-нд төлөгдөж дуусах ёстой таван их наяд төгрөгийн евро бонд, арванхоёрдугаар сарын 25-нд төлөгдөж дуусах 725 тэрбум төгрөгийн самурай бонд багтана. Үүнээс онцгой анхаарах ёстой нь самурай бонд. Хэрэв Хөгжлийн банкны чанаргүй зээлдэгчдээр өрийг нь төлүүлж чадахгүй бол самурай бондын мөнгийг татвар төлөгчдийн мөнгөөр төлөх эрсдэлтэй байна.

                 Бид зургадугаар сарын 30, арванхоёрдугаар сарын 31-ний аудитаар бодитой үр дүн гаргах ёстой байна. Хөгжлийн банкны чанаргүй зээлийн 30-аас доошгүй хувь буюу 700 орчим тэрбум төгрөгийн зээлийг 2022 онд багтааж төлүүлэхэд Засгийн газар анхаарч байгаа. Тиймээс чанаргүй зээлийг төлүүлэхэд хүчний байгууллагуудыг татан оролцуулах ажлын хэсэг байгуулахаар боллоо” гэсэн юм.