Орон нутгийн сонгуулийн үер ноцтой олон зөрчил илэрч байна. Тухайлбал, Архангай, Баянхонгор, Булган, Дорнод зэрэг аймаг, дүүргээс саналын машин гацсан учир  дахин сонгууль өгөх боломжгүй байна гэсэн гомдол иргэдээс ирсэн байна. Мөн хууль зөрчсөн, мөнгө тараасан, хоёр дахь удаагаа санал өгөх гэж байгаад баригдсан, саналын хуудас авахдаа бөглөсөн саналын хуудас авсан зэрэг ноцтой зөрчлүүд удаа дараа  илэрсэн гэдгийг АН-аас мэдээллээ. Эдгээр асуудлыг шүүх, хяналтын байгууллага шийдэхгүй байна. Сонгуулийн ерөнхий хорооноос хийсэн мэдээллийг сонсоход ямар ч зөрчил илрээгүй гэсэн тайлбар өгсөн. Ардчилсан намын хувьд бүх шатны хэсгийн хороон дээр ажиглагч нараар дамжуулаад тухайн шатандаа гомдол, нотлох баримтыг илрүүлж байна. Жишээлбэл, Сонгинохайрхан дүүрэгт цагдаагаар хамгаалуулж байгаад мөнгө тараасан. Дундговь аймгийн Сайнцагаан суманд сонгуулийн хуудсыг бөглөсөн байсан гэсэн мэдээлэл ирсэн. Баянгол дүүргийн  оршин суугчид тодорхой хаягаа мэдэхгүй байна. Мөн Чингилтэй дүүргийн долдугаар хороонд МАН-ын ногоон наалт наасан тусгай тэмдэгтэй машинууд хүн зөөж байгаад баригдсан  гэх мэдээллүүд тус бүр ирсэн. Цагдаагийн байгууллага холбогдох журмын дагуу бүх гомдлыг шалгаж байна. Сонгууль дууссаны дараа ч эдгээр гомдлын дагуу шүүх, хяналтын байгууллагад дахин хандана гэлээ.