Монголын Өмгөөлөгчдийн холбооны их хурал өчигдөр болж ерөнхийлөгчөөрөө Б.Оюу-Эрдэнийг сонгосон байна.

Холбооны ерөнхийлөгчид өмгөөлөгч Г.Наранбаатар, Монголын Өмгөөлөгчдийн Холбооны удирдах зөвлөлийн гишүүн, өмгөөлөгч Б.Оюу-Эрдэнэ, "Ананд Адвокатс" ХХН-ийг үүсгэн байгуулагч, өмгөөлөгч Б.Батзаяа нар нэрээ дэвшүүлээд байсан юм. Б.Оюу-Эрдэнэ нь  1999-2003 онд Их засаг их сургууль, 2003-2005 онд Их засаг их сургуулийн магистр, 2004-2005 онд Удирдлагын академи төгсчээ. 

Хурлаар холбооны дүрмийн төсөл, өмгөөллийн үйл ажиллагаа эрхлэх нэгдсэн шаардлагын төсөл, мөн мэргэжлийн ёс зүйн дүрмийн төслийг тус тус хэлэлцэж, удирдах зөвлөл, хяналтын зөвлөл, мэргэжлийн хариуцлагын хороо, мэргэшлийн хорооны бүрэлдэхүүнийг сонгон баталсан юм.