Цар тахлын нөлөөгөөр эдийн засгийн эргэлт буюу “цусны эргэлт” нь зогсчихоод байна. Манай орны хувьд эдийн засгийн хүндрэлтэй нэг жилийг туулж байгаа. Одоо бид энэ “цусны эргэлт” буюу амьжиргаа, орлогын асуудал руу орж байна. Мөнгө төгрөггүй байна гээд суугаад байж болохгүй.

Оноос өмнө төсвөө тодотгохыг сануулж, 2021 оны төсөвт хориг тавьсан. Олонх хоригийг хүлээж аваагүй. Тэвчиж болох хөрөнгө оруулалтыг зогсоож, аж ахуйн нэгж рүү чиглүүлэх хэрэгтэйг сануулсан.

Бусад орны туршилгаар нэг сая төгрөг өгч, өрхийн орлогод дэм болох санаачилга гаргасан. Үүний 800 мянган төгрөгийг үнэт цаас буюу ваучир, 200 мянга  төгрөг нь бэлэн мөнгө байна. Өрх бүрт гэхээр 900 мянган өрх болж байгаа юм.

Улсын төсөв яагаад мөнгөгүй байна вэ, хэн мөнгөтэй байлгах зэрэг нь Засгийн газрын ажил. Хэрвээ Сангийн яам  мөнгөгүй бол ажлаа хийж чадахгүй байна. Ажлаа хий гэсэн үг.

Оффшор буюу алдагдсан мөнгийг оруулж ирэхэд төсвийн алдагдлыг нөхөх хуультай. Харин энэ мөнгөөр төсвийн алдагдал нөхөлгүй Монголбанканд мөнгийг байршуулж, ваучир гаргах тогтоолын төсөл өргөн бариад  байна. Мөнгөгүй тусгаар тогтносон улс гэж байхгүй.

Оффшороос мөнгө оруулах ажил сүүлийн хоёр жил идэвхтэй явж байгаа. Сандраад байгаа хүмүүс нь дансанд мөнгөө нуусан байгаа. Хамгийн их сандарч байгаа хүмүүс тэр мөнгөтэй холбоотой.

Би бизнесийн салбарын хүн. Мөнгө хадгалахын эсрэг байдаг. Байнга эргэлтэд орж байх ёстой. Миний ойлгохгүй байгаа оффшортой холбоотой схемийг тэд яриад байдаг юм. Ингэж ярьж байгаа хүмүүс өөрсдийнх нь асуудал хүндрэхээр яриад байдаг. Гаргаж ирж ярьж байгаа хүмүүс нь тэр орлогыг тодорхойлбол өөрсдөө аваарай.

30 жил Монголын ирээдүйн төлөө юу ч хийгээгүй. Сүүлдээ гаднын шашны байгууллагууд хүүхдүүд дээр менежмент хийдэг болсон байна. “Хүүхдийн төлөө фонд”-ыг сэргээх  санаачилга ТББ-ууд гаргаж, Засгийн газарт танилцуулж, Соёлын яам дэмжсэн. Хүүхдийн төлөө дуугарахаар эсэргүүцдэг хүмүүсийг би гайхаж байна.

Энэ нам дандаа Их хуралд олонх байхгүй. Сөрөг хүчин олонх болно гэдгийг анхаарч үзэх хэрэгтэй.