Ард түмнээ хайрлая намын даргын өөрчлөлтийг бүртгүүлэх тухай хүсэлтийг Дээд шүүхийн хуралдаанаар хэлэлцэж шийдвэрлэжээ. 

Ард түмнээ хайрлая намын даргын өөрчлөлтийг бүртгүүлэх тухай хүсэлтийг хэлэлцээд тус намын 2021 оны гуравдугаар сарын 11-ний өдрийн Бага чуулганы хуралдаанаас Л.Аззаяаг намын даргаар сонгосон нь Улс төрийн намын тухай хууль болон тухайн намын дүрмийг зөрчөөгүй гэж үзэж, намын даргын өөрчлөлтийг бүртгэсэн байна. Тус намын даргаар УИХ-ын гишүүн асан Л.Гүндалай ажиллаж байсан бөгөөд тэрбээр саяхан Ардчилсан намын гишүүнчлэлээ дахин сэргээж, намын даргын сунгаанд оролцсон билээ. Харин Ард түмнээ хайрлая намын даргаар сонгогдсон Л.Аззаяа нь Л.Гүндалайгийн эхнэр гэдгээр нь олон нийт илүүтэй мэднэ.