Ардчилсан намын Ерөнхий нарийн бичгийн дарга Ч.Өнөрбаяр, Ц.Оюундарь, Ч.Отгочулуу, О.Баасанхүү нар цаг үеийн асуудлаар мэдээлэл хийлээ.  

             Хэвлэлийн хурлын үеэр Ч.Өнөрбаяр “2021 он эх баригч МАН-ын 100 жилийн ой болсон түүхэн жил байсан. Гэхдээ тэд 100 жилийн ойгоороо хамгийн их хүний эрхийг уландаа гишгэсэн, нугачин дарсан, эх баригч намын эсрэг дуу хоологойгоо өргөсөн хүмүүсийг хорьж, цагдсан жил боллоо. Энэ асуудал үнэхээр харамсалтай байна. Эх баригч намынхан энэ асуудал дээр дорвитой арга хэмжээ авсангүй. Тэд ганц, хоёр удаа чуулган хуралдуулж, “Бид дараагийн удаа мэдрэмжтэй байна” гэх мэдэгдэл хийснээс өөрөөр ахиц, дэвшилт гараагүй. Харин АН-ын бүлгээс хууль хяналтын байгууллагаас хууль бусаар шалгагдсан иргэдийнхээ төлөө дуугарч, ажилласан. Нээлттэй сонсгол зохион байгуулж, идэвх чармалтай ажилласан. Цаашид ч бас хүний эрхийн асуудалд АН онцгой анхаарч ажиллана.

Хоёрдугаарт, 2021 онд хөшөө дурсгалыг хэдэн тэрбумаар барьж, нураалаа. Ийм л хөрөнгө, төсөвтэй жил боллоо. Монголын тулгамдсан асуудлыг шийдвэрлэхэд хөшөө, дурсгал барих нь нэг номерын ажил биш ээ” гэв.