УИХ-ын ээлжит чуулган болж байна.

       Энэ үеэр УИХ-ын гишүүн Б.Пүрэвдорж "Засгийн газрын бариагүй үйлдвэрийг малчид өөрсдөө барина гэж байгаад эрсдэл оруузай. Ах, дүү хоёр мөнгөнөөс болоод тангараг тасардаг тохиолдол их бий. Тиймээс дангаараа зээл авах хэрэгтэй. Авсан зээлээрээ өндөр хүүтэй зээлээ эхний ээлжид хаасан нь илүү үр дүнтэй. Илүү гарвал банканд өндөр хүүтэй хадгалуулаад арвижуулах тал дээр анхаарах хэрэгтэй. Ардчилсан намын бүлгээс өргөн барьсан малчдын зээлийг тэглэмээр байна. Таван сая төгрөгийн зээлийг тэглэхэд ойролцоогоор 750 тэрбум төгрөг л гарна. Таван их наяд төгрөг гаргаж байхын оронд 750 тэрбум төгрөгөөр малчдын зээлийг тэглэвэл зүгээр. Нэг удаа малчдаа бодоод зээлийг нь даах боломж манай улсад бүрэн бий. Яамдын дарга нарын салаагаар урсдаг мөнгөнөөс хэмнэж байгаад малчдынхаа зээлийг хаачих юм бол малчиддаа буян болно. Би энэ зээлийг тэглүүлэхийн төлөө эцсээ хүртэл зүтгэнэ, тэмцэнэ. Шинэ парламент байгуулагдахаар эхний ээлжид энэ асуудлыг шийднэ гэсэн зорилготой байна. Итгэл найдвараа битгий алдаарай" гэв.