Засгийн газраас арванхоёрдугаар сарын 17-нд өргөн мэдүүлсэн Коронавируст халдвар /КОВИД-19/-ын цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийн хэлэлцэх эсэхийг хэлэлцэж байна. Шадар сайд Я.Содбаатар болон ЭМЯ-ны сайд Т.Мөнхсайхан нар гишүүдийн асуултад хариут өгч байна. 

Энэ үеэр Шадар сайд Я.Содбаатар “Энхсаран сувилалд хариуцлага алдсан хүмүүсийг хууль шүүхийн байгууллага шалгаад явж байгаа” гэдгийг хэллээ. Харин Төмөр замын ажилчдын тэмцээнд гаднаас хүмүүс ирж оролцсон эсэхийг шалгасан. Тийм зүйл болоогүй гэв. Одоо Одоогоор. Баянзүрх дүүргийн голомтыг яаралтай хумих хэрэгтэй байна. Халдварын эх үүсвэр нь хаанаас гарсан гэдгийг нь тогтоох ажил явагдаж байна. Өнөөдөр Баянзүрх дүүргийн эмнэлэгт мэргэжлийн байгууллагын хийсэн шалгалтын дүнг сонсоно гэлээ.