УИХ-ын хаврын ээлжит чуулганы өнөөдрийн хуралдаанаар Нийгмийн даатгалын багц хуулийн төслийг эцэслэн баталлаа. Мөн НДШ-ийн 50 хувийг төрөөс хөнгөлөх заалтыг баталлаа.

     Энэ талаар УИХ-ын гишүүн П.Анужин "30 гаруй жилийн дараа багцаараа шинэчлэн найруулагдаж байгаа энэ хуулийн гол онцлог нь хувиарлалтын тогтолцооноос хуримтлалын тогтолцоо руу энэ хуулийн хамгийн том өөрчлөлт гэж хэлж болно. Бид энэ хуулиа 2044 он гэхэд бүрэн энэ тогтолцоо руу шилжиж, хууль хэрэгжиж эхэлснээс хойш хагас хуримтлалын тогтолцооны үе шаттайгаар шилжинэ. Мөн инфляцтай уялдуулж тэтгэврийг жил бүр өсөн нэмэгдүүлэхийг хуульчилсан. Мөн тухайн үед гарч байсан цалингийн системийг одоогийнхдоо хүргүүлж бодох итгэлцүүрийг жил бүр шинэчлэнэ гэсэн чухал заалт орж ирж байна. Түүнээс гадна 20 жилээс дээш жил хамтран амьдарсан хоёр хүний нэг нь өөд болсон тохиолдолд нөгөөд нь 20 хувийг өгнө гэсэн зохицуулалт орж ирсэн" гэв.