Шадар сайд С.Амарсайхан цаг үеийн асуудлаар мэдээлэл хийлээ.

         Тэрбээр "Гурилын үйлдвэр улаан буудайн нөөцгүй болсон гэдэг асуудал ярьсан учраас Засгийн газрын хуралдаанаар 100 орчим мянган тонн улаан буудайн импортын зөвшөөрөл олгож эхэлсэн. Өнөөдрийн байдлаар Хүнс хөдөө аж ахуй, хөнгөн үйлдвэрийн яамнаас 88 мянган тонн улаан буудай импортлох зөвшөөрөл аж ахуй нэгжүүд авсан болвол энэ хүрээнд нийтдээ 12 мянган тонн гурилыг баруун аймгийн боомтуудаар импортолж оруулж ирсэн байна. Нийтдээ 7.8 мянган тонн хүнсний улаан буудайг импортолсон байна. Улаанбаатарын 11 байршилд өвлийн идэш арга хэмжээг зохион байгуулсан бол сар шинийн баярыг тохиолдуулан энэ сарын 19-нөөс эхлэн найман байршилд мал, мах болон цагаан идээний худалдааг зохион байгуулаад явж байна" гэв.