Монгол Улсын Засгийн газрын ээлжит хуралдаан боллоо. Засгийн газрын хуралдаанаас гарсан шийдвэрийн талаар Сангийн сайд Б.Жавхлан танилцуулж байна.

Тэрбээр “Хүүхдийн 100 мянган төгрөг бол өрхийн орлогыг дэмжих томоохон төсвийн бодлого байж ирсэн. Ирэх 2023 оны төсөвт нийт хүүхдийн 91 хувьд нь хүүхдийн 100 мянган төгрөг олгохоор 1.3 их наяд төгрөг тусгасан.

     Өрхийн дундаж орлого нийслэлд 1.9 сая төгрөг, орон нутагт 1.5 сая төгрөг буюу Монгол Улсад дунджаар өрхийн орлого 1.7 сая төгрөг байна. Харин үүнийг нэг нугалсан буюу 3.4 сая төгрөгийн өрхийн орлоготой айлууд хүүхдийн мөнгөнөөс татгалзвал бага, дунд орлоготой өрхийн буюу нийт хүүхдийн 91 хувь нь хүүхдийн 100 мянган төгрөгөө бүхлээр нь авах боломжтой” гэлээ.