“Амьдралын өнгө” уран бүтээлийн уралдаан зохион байгуулахаар болжээ.

ЗОРИЛГО

Уран зургийн онлайн худалдааны цахим хуудас болох www.arty.mn –ний нээлтийн арга хэмжээг тохиолдуулан дүрслэх урлагийн чиглэлээр суралцаж байгаа оюутан, залуусыг дэмжих, тэдний авъяас чадварыг уран бүтээлээр нь дамжуулан олон нийтэд таниулах зорилгоор уран бүтээлийн уралдааныг зарлаж байна.

ХАМРАХ ХҮРЭЭ

Дүрслэх урлагийн чиглэлээр их дээд сургуулиудад суралцаж байгаа оюутнууд хамрагдана. Аль ч курсын оюутан байж болно.

БҮТЭЭЛИЙН СЭДЭВ

Бүтээлийн сэдэв нь “Амьдралын өнгө”. Хүмүүний амьдралын олон талт дүр төрх, хэв шинжийг өөрийн уран сэтгэмж, үзэл бодол, төсөөлөл, ажиглалт, мэдрэмжээр дүрслэн илэрхийлэх.

ШАЛГАРУУЛАХ ТӨРӨЛ:

• Уран зураг
• Монгол зураг
• Зураасан зураг

БҮТЭЭЛД ТАВИГДАХ ШААРДЛАГА

• Уралдаанд ирүүлэх бүтээлийн хэмжээ:
  Доод хэмжээ: 50х50 Дээд хэмжээ: 100х100
• Мэргэжлийн үндсэн материал ашиглана.
• Гүйцэтгэлийн шаардлага хангасан байна.
• Бүтээлийн тайлбарыг бичгээр ирүүлнэ.
• Бүтээлийн нэр, оролцогчийн овог нэр, нас, хүйс, сургууль, анги, бүлэг болон холбоо барих хоёр утасны дугаарыг бүтээлийн хамт хавсаргана.

БҮТЭЭЛИЙГ ХҮЛЭЭН АВАХ ХУГАЦАА

Эхлэх: 2021 оны 11 сарын 20 ноос

Дуусах: 2021 оны 12 сарын 10 хүртэл

Цаг: 10:00 – 16:00 цагийн хооронд

Хаяг: Сүхбаатар дүүрэг, 9-р хороо, Хоймор оффис 210 тоот өрөө

Утас: 319157, 88079157

Цахим шуудан: [email protected]

ШАГНАЛ УРАМШУУЛАЛ

Уралдаанд бүтээлээ ирүүлсэн оролцогчдод материалын зардалд 25,000 төгрөгийн нөхөн олговор олгоно. Бүх бүтээлийг оролцогчийн өөрийн үнэлгээгээр www.arty.mn вэбсайтаар борлуулах бөгөөд бүтээлийг arty.mn ийн урын санд хадгална.

Төрөл бүрээс тус бүр нэг оюутан шалгаруулна.

Тэргүүн байр: Өргөмжлөл, 500,000 төгрөг, цаашид www.arty.mn ээр бүтээлээ борлуулах эрх

Уралдаанд ирүүлсэн шилдэг бүтээлүүдийг www.arty.mn –ий нээлтийн үзэсгэлэнд дэлгэх  бөгөөд шилдэг таван оюутан нээлтийн арга хэмжээнд оролцох урилгын эзэн болно.

ШАЛГАРУУЛАЛТ ЯВАГДАХ ХУГАЦАА

Уралдааны шалгаруулалт 2021 оны 12-р сарын 13-15-ний өдрүүдэд зохион байгуулагдана. Шилдэг бүтээлүүдийн шагналыг www.arty.mn  нээлтийн арга хэмжээн дээр гардуулна.

Нээлтийн арга хэмжээ 2021 оны 12-р сарын 18-ний өдөр болно.

“ӨНГӨТ АРТ” ХХК