"World youth champioshinp"-д оролцогчийг шалгаруулах тэмцээн амжилттай болж өнгөрлөө. Тэмцээний шөвгийн дөрөв "Mgl darts" клубийн тамирчин, ОУХМ Б.Анхбаяр, спортын мастер Б.Пүрэвсүрэн, "Шинэ Од" клубийн тамирчин О.Дөлгөөн, Багануур дүүргийн "Уурхайчин" клубийн тамирчин Б.Идэрцогт нар шалгарч үлдсэн юм.

Тэмцээний гуравдугаар байрын төлөөх тоглолтод О.Дөлгөөн (Шинэ Од),  Б.Идэрцогт (Уурхайчин) нар тоглож, 3:1-ээр О.Дөлгөөн ялалт авсан. Харин аваргын төлөөх тоглолтод Б.Анхбаяр (Mgl Darts), Б.Пүрэвсүрэн (Mgl Darts) нар өрсөлдсөн юм. Тоглолтын эцсийн дүн гарахад  "Mgl darts" клубийн тамирчин, спортын мастер Б.Пүрэвсүрэн 4:3-аар хожиж  “PDC World Youth Championship” тэмцээнд оролцох анхны монгол тамирчнаар тодорлоо.