Отгонтэнгэр Их сургууль багш нарынхаа эрдэм шинжилгээ, судалгааны ажлыг дэмжих зорилготой “Цахим сургалтыг сайжруулах боломж, туршлага, арга зам” сэдвийн хүрээнд илтгэгчдийн судалгааны ажлыг хэлэлцэж шинэлэг санааг хуваалцлаа. Тус хуралд ШУТИС-ийн удирдах зөвлөлийн дарга, доктор, профессор Д.Бадарч “New Normal”-Шинэ эгэл байдал ба боловсрол,Боловсролын зээлийн сангийн захирал, доктор, профессор Ж.Ариунболд “Дээд боловсролын бодлогын зарим асуудлууд” сэдвээр илтгэл хэлэлцэж өнөөгийн дээд боловсролын тулгамдаж буй асуудлын талаар санал дэвшүүлжээ.

Энэ жилийн эрдэм шинжилгээний  хурал цахим сургалтыг сайжруулах арга зам, боломж, цахим сургалт суралцагчдын сэтгэл зүйд хэрхэн нөлөөлж байгааг хэлэлцэж  буйгаар онцлог юм.

Олон улсын багш нарын баярын өдрийг угтан, Отгонтэнгэр Их сургууль шилдэг багш, шилдэг судлаач багш, шилдэг залуу багш нараа тодрууллаа. Энэ удаагийн шилдэг багшаар ХС-ийн багш доктор Х.Алтанхундага, шилдэг судлаач багшаар ХС-ийн багш, доктор Н.Хосбаяр нар шалгарсан юм.