Коронавирусийн голомт болоод байгаа Ухань хотын Вучань эмнэлгийн дарга өнөөдөр /2020.02.18/ уг халдварын улмаас нас баржээ.

51 настай Лиу Зимин өглөө 10:30 цагт амьсгал хураасан гэж Хятадын төв телевиз мэдээлэв.

Covid-19 өвчний эсрэг өдөр, шөнөгүй тэмцэж буй 1716 эмч, сувилагч халдвар авсан тухай өнгөрсөн долоо хоногт Хятадын үндэсний хорооноос зарласан. Тэдний зургаа нь нас барсан бөгөөд дунд нь Ухань хотын төв эмнэлгийн эмч Ли Венлиан багтаж байна. Тэрбээр хамгийн анх олон нийтэд халдварын талаар анхааруулахыг оролдож байсан нэгэн юм.