Монгол туургатны үнэт өв хөөмий, уртын дуу, хэл хуур зэрэг уламжлалт соёлыг орчин цагийн хөгжмийн урсгалтай хослуулан электро, дэйнс, техно хөгжмөөр уран бүтээлээ туурвидаг дуучин Сайнхо Намтчулак дахин монголын үзэгч, сонсогчидтойгоо уулзах гэж байна. Монголд 2013 онд бүрэн хэмжээний тоглолтоо толилуулсан тэрбээр энэ удаа хуучин болон шинэ уран бүтээлээ танилцуулахаас гадна “Survival Songs Of Ene-Sai” хэмээх шинэхэн цомгоо гаргаад буй. Харгислалын театраас зохион байгуулж буй "Irreversible vol4 with Sainkho" хэмээх тус тоглолт нь 2023 оны нэгдүгээр сарын 04-нд 20:00 цагт "Arte club"-д болохоор төлөвлөгдөж байна.