Баянгол дүүргийн нэгдүгээр хороо "Богд-Ар" хорооллын 11А байрны наймдугаар давхарт өнөөдөр гал гарсан байна. Тодруулбал, тус байрны кабел холбооны утасны босоо сувагчлалд гал гарч, Чингэлтэй дүүргийн  Онцгой байдлын хэлтэсийн ГТУА аравдугаар ангийн 1, 2, 3 дугаар тасаг ажиллаж, галын голомтоос 12 хүүхэд, утаажилтын бүсээс 11 хүүхэд, 43 том хүн, нийт 66 иргэнийг аварсан байна. Гал түймэрт дөрвөн автомашин, 22 албан хаагч ажиллаж байгаа аж.