Хүн амины хэрэгт ял эдэлж буй  Г.Махбалыг танхайн хэрэгт шалгаж байгаа гэх мэдээлэл цацагдаад байна. Тодруулбал, хаалттай хорих 427 дугаар ангид ял эзэлж байгаа Г.Махбалыг хамт хоригдож буй хүмүүжигчийг зодож, эрүүл мэндэд нь ноцтой хохирол учруулсан гэх мэдээлэл зарим хэвлэл мэдээллийн хэрэгслээр цацагдаад байгаа юм.

Энэ талаар ШШГЕГ-ын Олон нийттэй харилцах хэлтсийн мэргэжилтнээс тодруулахад “Хорих 427 дугаар ангид хүмүүжиж байгаа Г.Махбал бусдыг зодож, танхайрсан, эрүүл мэндэд нь ноцтой гэмтэл учруулсан гэдэг нь худал мэдээлэл. Ямар ч үндэслэлгүй мэдээлэл цацсан байна. Энэ тухай мэдээлэл цацсан хэвлэл мэдээллийн хэрэгслүүд рүү холбогдож, ор үндэслэлгүй гэдгийг нь хэлсэн байгаа” гэлээ.